विद्यार्थी जीवन भनेको बाल्य अवस्था देखि उच्च शिक्षा हाँसिल गरुञ्जेल सम्मको जीवनलाई विद्यार्थी जीवन भनिन्छ भने खास नियम मर्यादा बस्नु नै अनुशासन हो । विद्यार्थी जीवनमा अनुशासनको महत्त्व विशेष रूपमा हुने गर्दछ । विद्यार्थी जीवन भनेको जीवनको पहिलो खुट्कीलो हो । यस जीवनमा अनुशासनको पालना गरी विद्यालयको वातावरणलाई सहजर सुन्दर बनाउँदै पढ्ने विद्यार्थी मात्र लगनशील तथा मिहिनेती भएर राम्रोसँग विद्या आर्जन गर्न सक्दछ ।
अनुशासन ले नै विद्यार्थीलाई उज्जवल भविष्यको बाटोतर्फ मार्गे निर्देश गर्दछ । विद्यार्थीहरुले कक्षामा पढ्दा साथीहरुसँग बोल्दा अन्य अतिरिक्त क्रियाकलाप गर्दा अनुशासनको पालना गर्नु पर्दछ । अनुशासन आमाको काखदेखि नै सिकिन्छ । प्रकृतिका हरेक वस्तु नियमानुसार नै चलेका हुन्छन् । बिहान हुन्छ, घाम लाग्छ साँझ पर्छ, फूलहरू फुल्छन्, ऋतुहरू आउँछन् र त्यसैगरी जान्छन् पनि । सबैका आफ्नै इच्छाहुन्छन् ।
जोसुकै मानिसले आ-आफ्नो क्षेत्र वा स्थानमा अनुशासनको पालना गर्नुपर्छ । हरेक मानिसले अनुशासनको पालना गरे मात्र ऊ सभ्य र महान् व्यक्ति कहलाउँछ भने अनुशासनको पालना नगर्दा हत्या, हिँसा र आतङ्क बढेर मानिस चोर, डाँका र धूर्त कहलाउँछविद्यार्थीले पनि उठ्ने, बस्ने काम गर्ने, आराम गर्ने, गृहकार्य गर्ने आदि सबै कुरा नियमअनुसार गर्नुपर्छ।
अनुशासनले विद्यार्थीलाई असल व्यक्ति बनाउँछ । अनुशासित विद्यार्थीले आफ्ना बुबा, आमा, गुरु र समाजको इज्जत राख्दछ । ठूलाको आदर गर्नु, सानालाई माया गर्नु, असहायलाई सहयोग गर्नुजस्ता कुरा विद्यार्थी जीवनकै अनुशासनभित्र पर्न आउँछन् । विद्यार्थी जीवनमा अनुशासनको पालना गर्ने हरेक व्यक्ति राष्ट्रको असल नागरिक भएर स्वास्थ्य, शिक्षा, समाजसेवा, राजनीति, उद्योग, वाणिज्य आदि क्षेत्रमा योग्य भई देश विकासमा वा महत्व पूर्ण योगदान दिन सक्छ ।
आजका विद्यार्थिहरु भोलिका देशका कर्णधार हुन् । देशको भविष्य उनीहरुको हातमा हुन्छु । विद्यार्थी जीवनदेखि नै अनुशासित भएर अघि बढ्यौ भने जीवनमा सधैभरी मान, सम्मान, इज्जत, प्रतिष्ठा प्राप्त गरि आफू आफ्नो परिवार लगायत सिङ्गो राष्ट्रलाई नै सुखी र समृद्ध बनाउन सकिन्छ ।जसरी असल बिहानीले असल दिनको सङ्केत दिन्छ त्यसैले अनुशासित विद्यार्थीले नै जीवनमा पनि अनुशासित हुन सिक्छन् ।
अनुशासित विद्यार्थी जीवनमा कहिल्यै असफल हुँदैन त्यसैले विद्यार्थी जीवनमा अनुशासनको महत्वपूर्ण स्थान अगटेको छ ।